തിരുവനന്തപുരം: മനുഷ്യ-വന്യജീവി സംഘർഷ സാഹചര്യങ്ങളിൽ പൊതുജനങ്ങൾക്ക് അതിവേഗ സേവനം ഉറപ്പാക്കുന്നതിനായി കേരള വനം വകുപ്പ് 24x7 ഫോറസ്റ്റ് കോൾ സെന്റർ ആരംഭിക്കുന്നു.
നിലവിലുള്ള ടോൾ ഫ്രീ നമ്പറായ 1800-425-4733 മുഖേനയാണ് കോൾസെന്റർ സേവനം ലഭ്യമാകുക. വന്യജീവി സാന്നിധ്യമോ വന്യജീവികളെ നീക്കം ചെയ്യുന്നതിനോ ഉള്ള അഭ്യർത്ഥന കോൾ സെന്ററിൽ ലഭിക്കുന്ന മുറയ്ക്ക് വിവരങ്ങൾ പ്രത്യേക പോർട്ടലിൽ രേഖപ്പെടുത്തും. തുടർന്ന് ട്രാക്കിംഗ് വിവരങ്ങൾ ഉൾപ്പെടെയുള്ള എസ്എംഎസ് സന്ദേശം പരാതിക്കാരന് ലഭ്യമാക്കും.